fot. kaszubi.pl

Kòncertë, tuńce, krómë, wiele słuńca i wiele deszczu… XVIII Zjôzd Kaszëbów je za nama.

fot. kaszubi.pl
fot. kaszubi.pl

Skùńcził sã ju XVIII Zjôzd Kaszëbów we Wdzydzach. Zapamiãtómë z niegò m.jin. Primasa Henrika Mùszińsczégò, jaczi pò kaszëbskù witôł ùczãstników i przëpòminôł ks. B. Sëchtã, J. Karnowsczégò i A. Majkòwsczégò, baro bòkadny kòncertowi program na trzech binach, biesadną mùzykã i tuńce we wiôldżim celce, rozmajité warkòwnie w skansenowsczich chëczach i gòspòdarczich bùdinkach, piãkné słuńce do 17.30 i wiôldżi deszcz zarô pózni. Do te snôżé Mùzeùm – Kaszëbsczi Etnograficzny Park we Wdzydzach, wiãcy jak sto rozmajitëch krómów, lëteracczé zéńdzenia i … niech kòżdi z ùczãstników sóm dodô, co mù òstało w pamiãcë.

Kaszëbi jesz rôz pòcwierdzëlë, że chcą swiãtowac, pòkazowac swòjã jednotã i redowac sã ze sparłãczeniô w pòmòrsczim wòjewództwie. Czile tësący lëdzy zôs wsadło do banë, aùtobùsów, aùtółów abò na mòtórë, czôłna czë kòła i przëjachało, żebë ùdokaznic, że jesmë razã.

Dzãkùjemë òrganizatoróm XVIII Zjôzdu i gwës za rok w Rëmi nie bãdze naju mni.

ZOSTAW ODPOWIEDŹ

Please enter your comment!
Please enter your name here

Witryna wykorzystuje Akismet, aby ograniczyć spam. Dowiedz się więcej jak przetwarzane są dane komentarzy.