Kaszëbi tak wiele zawdzãcziwają Swiãtémù Janowi Pawłowi II za Jegò słowa wërzekłé w Gdini i w Sopòce. To je testameńt dlô nas Kaszëbów. Przed kanonizacją pòwsta piesniô „Swiãti Janie Pawle”, w chtërny ùjãté są słowa Òjca  Swiãtégò do Kaszëbów.

[youtube_sc url=https://www.youtube.com/watch?v=tOJBMoZ0BRk]

Chto spiéwô dwa razë sã mòdli, temù w Spòdleczny Szkòle miona Jana Trepczika w Miszewie i Zespòle Szkòłów w Czeczewie zrodza sã ùdba, żebë w òsoblewi spòsób prawie ną spiéwą pòdzãkòwac.

Wespół ze szkòłowima dzecama wezmë sã za ùczbã ti spiéwë i pòspólno z TV Wybrzeże, Radiã Koszalin, Radiã Kaszëbë, przë wspòmóżce „Dzennika Bôłtëcczégò” i jinszich gazétów a mediów, przë zapôlonëch swiéczkach, wespół z familią i drëchama, chcemë jã zaspiewac w niedzelã 27.04.14 rokù ò gòdzënie 21.00, a tej wiele razy pózni doma, w szkòle a Kòscele.

Szkólny i starszi – ùczmë wszëtczich! Piesniô w wëkònanim karna „Młodzëzna” je na youtube.

Prosymë ò rozpropagòwanié ny ùdbë téż westrzód karnów spiéwającëch i wszelejaczich drëchów, chtërnym miłô je Kaszëbskô Tatczëzna.

Swiãti Janie Pawle

Bògati dëchã lud
Chòc przez wieczi zgardzony
Sã w kùńcu natkł na cud
Swiãtą mòcą sprawiony.

Jan Paweł Drëdżi rzekł:
Môta dbac ò juwernosc,
Dozerac rodny zwëk
W se bënë pòczëc wòlnosc.

Ref. Le swiãti człowiek mógł
Tak dalek widzec
I nôbëlniészą z dróg
Kaszëbóm wzbùdzëc.

Za mądri òjców spôdk
I swój jãzëk sã jëmac
Gò ùczëc wszëtczich dzôtk,
A wiedno z Bògã trzëmac!

Pòdzãczi slemë wińc
Za pòtãżné te słowa.
Bë chcałë le jesz dińc
Pòd kòżdëchną pòsowã.

Ref. Le swiãti człowiek mógł…

ZOSTAW ODPOWIEDŹ

Proszę wpisać swój komentarz!
Proszę podać swoje imię tutaj

Witryna wykorzystuje Akismet, aby ograniczyć spam. Dowiedz się więcej jak przetwarzane są dane komentarzy.